Wednesday, May 29, 2024

General Santos: Gi-awhag sa LGU Sarangani nga suportahan ang 3 adlaw nga National Covid Vax Days

- Advertisement -

LGU Sarangani nag-awhag sa mga taga-Sarangani province nga suportahan ang tulo (3) ka adlaw nga National Covid-19 Vaccination days Nobyembre 29 hangtud Disyembre 1 nga una nang gideklara sa malakanyang nga special working days.

Visit RPN DXDX General Santos

Nag-awhag karon ang mga opisyales sa probinsya sa Sarangani nga suportahan sa mga Sarangan ang tulo (3) ka adlaw nga National COVID-19 Vaccination Days, Nobyembre 29 hangtud Disyembre 1.

Segun ni Dr. Arvin Alejandro, ang provincial health officer, walay buhaton sa maong tulo ka adlaw kundili ang pagpabakuna aron malabanan ang Coronavirus. Una nang gipirmahan ni Pangulong Rodrigo Duterte ang Proclamation No. 1253 nga nag-deklara sa maong kalihukan.

Kung diin dili makonsidera nga absent sa trabaho kung makapa-bakuna anang higayuna. Ipakita lang sa kumpanya o sa gi-trabahuan ang ebidensya nga pagbakuna ang hinungdan nganong wala ka-duty anang mga adlawa. Regular holiday man pud ang Nobyembre 30.

Sa bahin ni Governor Steve Chiongbian Solon, buot niini nga dili masinatian sa kadaghanan ang nasinatian sa iyang mga higala nga na-grabehan intawon human nasudlan og Coronavirus, ang uban ang wala na kalahutay sa kinabuhi.

Rason nga hugot nanawagan ang Gobernador nga magpabakuna na ang wala pa nabakunahan kung wala man lang kini kakulian basi sa rekomendasyon sa doctor. Kadtong naigo sa COVID-19 apan bakunado na, simpleng flu na lang matud pa ang nasinatian. Ikumpara sa mga nangatakdan nga wala nagpabakuna, hilabi na ang may edad, ang dili gyud alang-alangon sa makamatay nga virus.

Gi-angkon ni Governor Solon nga sa pirmero nagduha-duha usab kini sa pagpabakuna. Ug kini ang iyang gi-ampo sa Ginoo kauban ang iyang kapikas sa kinabuhi nga si Ms. Michelle Lopez Solon, ug tuod man nalamdagan sa bendisyon nga gasa sa Kahitas-an ang pagka-diskubre sa bakuna.

Dili bag-o sa kalibutan ang pagsugamak sa mga pandemya. Tuig 1918, lagpas 100 ka tuig na ang nilabay, ni-atake ang makalilisang nga Spanish influenza. Nipatay og 50 milyon kabuok tao tibuok kalibutan ang mao nga Spanish flu. Hinay-hinay pud kining nihina nahimo na lang ordinaryong flu gumikan sa kalambuan sa bakuna atong mga tungura.

Tungod sa daghan na ang nabakunahan sa Rehiyon Dose, pwera buyag nikunhod ang mga aktibong kaso sa COVID-19. Apan dili gihapon magkumpyansa aron dili masusama sa ubang mga nasud nga nibalik sila karon sa pag-lockdown gumikan wala na mutuman ang mga residente sa personal safety protocols, subling nisaka ang ilang mga kumpirmadong kaso. Dili pakalitan nga pasagdan ang Coronavirus tungod pinasahi ang kabangis niini nga gipakita.

Daghan na sa mga kaigsoonang Lumad ug Muslim ang nabakunahan sa Sarangani Province, apil mga pastor sa simbahan. Nidungag sa listahan bag-uhay lang si former board member Fredo Basino, ang kanhing IPMR. Nabakunahan si IP leader Sir Basino sa brand nga Pfizer.

Duolon lang ang mga municipal ug barangay heath station gumikan sa mga kabarangayan na direktang ipahigayon ang pagbakuna. Open ang bakunahay sa mga kabataan edad dose anyos (12) hangtud senior citizen, may balatian man o wala, bisan pa mga PWD kon person with disability, sa dakong pagsuporta sa kanunay sa tanang mga mayor, barangay kapitanes, nila Vice Governor Elmer De Peralta, board members, bisan na nila Senador Manny ug Congressman Ruel Pacquiao.

(Source: Sarangani Information Office | LGU Sarangani)

- Advertisement -

Leave a Reply

- Advertisement -

Related Articles

- Advertisement -
- Advertisement -spot_img

Latest Articles

- Advertisement -