Sikop sa Philippine Drug Enforcement Agency dinhi sa Caraga Region pinaagi sa buy bust operation an isa ka laborer nga taga Purok 5, Brgy. Hayanggabon, Claver, Surigao del Norte sa kasong pagpamaligya sanan paghupot nan ginadili na druga Lunes gabii, Nobyembre 22, 2021 sa may alas 8:35 ang takna.
An suspetsado nakilay-an na si Nelson “Saki” Miguela, 35 anyos minyo, lima an anak ug laborer na lumad taga Bukidnon ug jaon na maghuyâ sa Purok 5, Brgy. Hayanggabon, Claver, Surigao del Norte.
Si Miguela jaon sa regional priority top drug personality basi sa impormasyon nan PDEA. Siya napalitan nan isa ka heat-sealed transparent plastic sachet sa suspected shabu kantidad ₱ 8,000 sanan an upat ka heat-sealed transparent plastic sachet sa suspected shabu kantidad ₱ 35,0000 na diha sa idja possession. Lakip isab nakuha an 1 genuine 1,000 peso bill na marked money sanan pito ka boodle money na tig 1,000 an marka, isa ka black sling bag na may company ID sanan isa ka Realmi android phone.
Kasong violation sa section 5 sanan section 11, Article II sa RA 9165 an atubangon sa nadakpang suspetsado. (RPN DXKS Surigao via PDEA 13)