Ipahigayon karong Septiyembre 4 ang “Kumbati sa Kapitolyo” sa Capitol grounds sa Sugbo, diin mokabat sa 31 ka boxing bouts ang ipasundayag.
Gilangkuban kini sa 25 ka amateur fights ug unom ka professional bouts. Magsugod ang amateur fights alas-2 sa hapon, samtang alas-6 sa gabii magsugod ang professional fights.
Tumong sa maong kalihokan nga mahatagan og higayon ang mga batan-ong boksingero nga mapalambo ang ilang abilidad ug makatigom og kasinatian sa kompetisyon.
Giorganisar kini sa Cebu Provincial Sports Commission, uban sa suporta sa Cebu City Government, Association of Boxing Alliances in the Philippines (ABAP), ug Omega Sports Promotions.
Sumala sa mga organizer, importante ang amateur boxing isip training ground sa mga boksingero nga mahimong umaabot nga mga kampeon sa Pilipinas.
I via Renante Socia Lada