Nagsagawa ng command visit si PBGEN ELMER E. RAGAY, Regional Director ng Police Regional Office 9 (PRO9), sa Headquarters ng Zamboanga City Police Office (ZCPO). Malugod siyang sinalubong ni PCOL FIDEL B. FORTALEZA JR., City Police Director, kasama ang mga tauhan ng ZCPO. Ginawaran siya ng * foyer honors* sa kanyang pagdating, bilang pagpapakita ng respeto at suporta ng pamilya ng ZCPO sa kanyang pamumuno.
Bilang bahagi ng pagbisita, nakibahagi si PBGEN RAGAY sa tradisyonal na pagpalo sa gong, na sumisimbolo sa pagkakaisa, kooperasyon, at patuloy na pagtutulungan ng PRO9 at ZCPO. Nilagdaan din niya ang *guestbook*, na nagpapatibay sa kanilang pinagsasaluhang pangako na palakasin ang mga operasyon ng pulisya at magrulungan bilang isang koponan sa pagpapanatili ng kapayapaan at kaayusan, pati na rin sa pagprotekta sa komunidad ng Zamboanga City.
Nagsagawa rin ang Regional Director ng sesyong “Talk to Men” kasama ang mga tauhan ng ZCPO kung saan nagbabahagi siya ng mga gabay, pampalakas-loob, at mga salitang nagbibigay inspirasyon. Ang pakikipag-ugnayang ito ay nagbigay ng pagkakataon sa mga tauhan na direktang makarinig mula sa kanya, habang pinagtitibay ang mga pagpapahalaga sa pagtutulungan, propesyonalismo, disiplina, at dedikasyon sa pagtupad ng kanilang mga tungkulin at responsibilidad sa paglilingkod sa publiko. (Algie Rojas)
Source: PNP Zamboanga City Police Office.