Bilang ng mga pasaherong stranded sa mga pantalan umabot na sa 6,605

Umabot na sa 6,605 ang kabuoang bilang ng mga pasaherong stranded sa mga pantalan sa buong bansa bunsod ng bagyong ‘Tisoy’.

Batay sa pinaka huling tala ng Philippine Coast Guard (PCG) ang naturang bilang ay mula sa Central Visayas, Southern Tagalog, Western Visayas, Bicol, Eastern at Southern Visayas.

Ayon sa PCG, kanilang istriktong ipinatutupad ang mga panuntunan sa mga sasakyang pandagat para matiyak ang kaligtasan ng mga pasaherong bibyahe ngayong may bagyo.

Samantala, suspendido na rin ang operasyon ng mahigit 1,00 rolling cargoes, 131 vessels at maging ng 66 na motorbancas.