Sa gipahigayon nga Local Revenue Collection Growth Report as of 2022 fiscal year ang Lungsod sa Sindangan, Zamboanga del Norte, ang gauna sa pinakadatus nga lungsod nga adunay income nga 63,369,177 (21% Richest) ug gisundan kini sa Lungsod sa Roxas, Liloy, Siocon, Piñan, Labason, Manukan, Polanco, Tampilisan, Katipunan, Osmeña, Leon Postigo, Siayan, Rizal, Gutalac, Salug, Sirawai, Jose Dalman, Mutia, Kalawit Sibutad, Godod, Lalibertad, Baliguian ug sa katapusan ang Lungsod sa Sibuco nga aduna lamang 1,344,487 (0.5% Poorest).
Kahinumduman ang maong Lungsod sa Sindangan ang kasamtangan nga gidumalahan sa pamilyang Labadlabad diin ang Mayor unta si Mayor Rosendo Labadlabad diin aduna pa kining giatubang nga kaso sa Ombudsman nga kamulo pang iresolba ang maong kaso batok sa kanhi mayor.
Sukad nga si Mayor Labadlabad na ang ga dumala sa Lungsod kini mi-asenso gayud tungod sa daghanang mga proyekto ug mga investors nga gipasulod sa maong lugar diin isa kini sa nakapasaka sa income sa maong lungsod,apil na sa ilang ipahigayon sa matag tuig ang Miss Sindangan diin muani kini ug dakung income ilabina sa turismo. (Angelica T. Obina)