Total de 39 anak de Olive Ridley turtuga el ya larga na isla de Sta. Cruz en este ciudad, asegun con el Oficina de Medio Ambiente y Recursos Naturales del Ciudad o OCENR del Lunes.
Asegun con el OCENR, con el mga anak de turtuga ya larga del Sabado durante el Fiesta na Isla de Sta. Cruz que ya conduci en liña del Verano na Zamboanga 2024 (Summer Festival) del ciudad.
El Alcalde John Dalipe y Consejal Vicente Guingona amo el ya encabesa con el largada del mga anak de turtuga demonstrando el comprometido para conserva y preserva con el fauna silvestre y ecosistemas.
El isla de Sta. Cruz conocido como un sitio de pugaran del mga turutga que ta cuida el Protected Area Management Office (PAMO) bajo el OCENR.
Asegun con el OCENR, por muchas beses ya sila ya larga anak de turtuga desde’l tiempo ya descubri cay el isla de Sta. Cruz ta servi como un sitio de pugaran del mga turtuga. (B. Garcia)