PH Arnis Team nakasungkit ng 12 gold medals sa ikalawang araw ng SEA Games

Nakasungkit ng 12 gintong medalya ang Philippine Arnis Team sa ikalawang araw ng 30th South East Asian Games (SEA Games).

Ito ay kung saan nanalo ang mga pambato ng bansa na sina Jesfer Huquire sa Arnis Paddlestick Bantamweight Division, Elmer Manlapas sa featherweight division laban sa Cambodia at Carloyd Tejada para sa welterweight division kontra naman sa Myanmar.

Samantala, naibulsa rin ang ilan pang gintong medalya sa womens paddlestick competition sa pagkapanalo nina Jedah Mae Soriano sa featherweight divison, Sheena Del Monte sa bantamweight, Ross Ashley Monville sa lightweight at Abigail Abad sa welterweight division.