Saturday, May 18, 2024

Zamboanga: Militar, organizacion civico ya regala con 172 estudiantes

- Advertisement -

Total del 172 estudiantes del un escuela na provincia del Lanao del Norte el ya recivi mga regalo y libre servicio desde con el militar y un organizacion civico, asegun con el 1st Infantry Division (ID) del Lunes.

Asegun con el 1ID, el mga beneficiarios amo mga estudantes del Pelingkingan Integrated School na Barangay Pelingkingan, Tangcal, Lanao del Norte.

Asegun con el 1ID, el mga regalo ya distribui del Sabado el 5th Mechanized Infantry Battalion bajo el liderato de Tiniente Coronel Juvegleen Escandor en colaboracion con el Inner Wheel Club del Lanao del Norte District 385 que ta encabesa si Rasmila Cosain.

El mga regalo ya recivi mga estudiantes ta inclui mga jurgesas, sandallas, y mga capote.

Ya recivi tamen sila libre servicio por medio de cortada de pelo.

Ademas, asegun con el 1ID, el mencionao escuela ya beneficia tamen desde mga donaciones de libro que ta dale el Inner Wheel Club.

El actividad de distribucion del mga regalo ya conclui por medio de comer hunto-hunto entre mga soldao, miembros del Inner Wheel Club y mga estudiantes que ta fomenta sentido de unidad. (B. Garcia)

- Advertisement -

Leave a Reply

- Advertisement -

Related Articles

- Advertisement -
- Advertisement -spot_img

Latest Articles

- Advertisement -