- Advertisement -
Tiniyak ng Philippine National Police (PNP) na tuloy parin ang anti-illegal drugs operations kasabay ng ikinakasang coronavirus disease 2019 (COVID-19) response operations.
Ayon kay PNP Chief Archie Gamboa, kanila pang bibilisan ang paghahatid ng serbisyo sa publiko upang tugunan ang national health emergency sa bansa gayundin ang pagpapaigting sa law enforcement operations laban sa iligal na droga at krimen.
Aniya, panibagong hamon sa hanay ng pulisya ang ‘new normal’ sa law enforcement operations.
Umaasa naman si Gamboa na sa pamamagitan ng capacity-building initiatives ay makaka-adapt sila sa sitwasyon ngayong kasagsagan ng COVID-19.
- Advertisement -
