El Zamboanga City Police Office (ZCPO) ya designa omento personajes na diferentes parte del ciudad para asegura el proteccion del mga vivientes del ciudad, asegun con el ZCPO del Domingo.
El designada del omento pulis ya vene despues que el mando regional del policia ya dale omento 95 personajes con el ZCPO.
Asegun con el ZCPO, el omento personajes compuesto de 32 pulis desde’l Regional Mobile Force Battalion y 48 nuevo miembros del policia.
Asegun con el ZCPO, con el omento numero de pulis, el ciudad tiene ya ahora el total de 1,544 personajes.
Asegun con el ZCPO, el objetivo del omento designada de omento personajes amo para portifica el medidas de seguridad particularmente na mga lugar critical como el distrito central de negocio.
Por medio de intensificao presencia y vigilancia, el ZCPO tiene el objetivos para previni actividades criminal y asegura el protection y bienestar del mga residentes y visitas del ciudad. (B. Garcia)