Un persona el ya iri y un casa ya man uput na un incidente de incendio aqui na ciudad, asegun con el Zamboanga City Fire District (ZCFD) del Domingo.
Asegun con el ZCFD, el incendio ya ocuri mga alas 5:13 del Sabado tarde na Paseo de Billard, Barangay Baliwasan, en este ciudad.
Asegun con el ZCFD, el incendio ya principia adentro na casa de Jaqueline Francisco y enseguidas ya queda grande.
El ZCFD nohay mas nombra con el victima quien ya iri durante el incidente.
Con el incendio, que ya alcansa na primer alarma, ya puede completamente apaga mga alas 6:12 del Sabado denoche.
El ZCFD ta precura pa determina con el origin del incendio que ya causa destroso de P600,000 propiedad. (B. Garcia)