Zamboanga: Pulis ya aresta 1 HVI, ya confisca mas de P1 millon droga ilegal

0
8
Photo courtesy of PRO-BAR

Un high-value individual (HVI) el ya aresta y valor de mas de un millon droga ilegal el ya confisca mga autoridad na provincia del Lanao del Sur, asegun con el policia del Domingo.

El Police Regional Office-Bangsamoro Autonomous Region (PRO-BAR) ya nombra lang con el arestao HVI como un tal Diplakay.

Asegun con el PRO-BAR, con Diplakay ya aresta mga autoridad na un operacion de compra busto na Barangay Ilian, Mulondo, Lanao del Sur del Viernes.

Asegun con el policia, si Diplakay ya precura escapa abordo su motorciclo cuando ya gole ele cay ya ase le el transaccion de droga ilegal con un pulis, pero ya puede conele ataja y aresta el mga operativas de govierno.

Asegun con el policia, ya puede confisca na posesion de Diplakay 150 gramos de suspechao shabu que tiene el valor de P1,020,000 y un motorciclo.

Asegun con el policia, con diplakay y el mga evidencia que ya confisca na su posesion ya pone bajo el custodia del policia na ciudad de Marawi en preparacion para el planta del caso contra conele. (B. Garcia)

Leave a Reply