- Advertisement -
Makita sa hulagway nga nagbuy od sa dalan sa may Marcos Ave. Brgy. Apopong, GenSan human gipusil sa wa mailhing responsable.
Padayon ang gihimong imbestigasyon sa Makar Police sa pagpamusil sa Purok 7, New Society, Brgy. Apopong alas 6 kagabii.
Ang biktima nailhan sa pangalang Freya Joy Cuevas 27, ug bag uhay lang nag arkila sa negosyo niining Milk Tea.
Nasayran nga sa pag naug sa biktima sa gimanihuang kotse, kalit nga giduolan sa Riding Criminals ug nahitabo ang pagpamusil ug gikuha ang dalang bag sa biktima.
Nakaangkon kini ug samad pinusilan sa dughan ug likod. Gidala sa balay tambalanan ug nasayran nga nakabsan na kini sa kinabuhi.
Hustisya ang singgit sa mga kahigalaan ug pamilya ni Cuevas. (Jomar Plasabas, RPN DXDX GenSan)
- Advertisement -
