Test kits para sa COVID-19 pinabibilis na ang evaluation sa WHO

Umapela ang pamahalaan sa World Health Organization (WHO) na pabilisin ang kanilang evaluation sa mga locally-developed test kit para sa pagsusuri sa coronavirus 2019 (COVID-19).

Kaugnay ito ng test kit na binuo ng University of the Philippines national institutes of health para mapabilis ang pagsusuri sa COVID-19.

Ayon kay Cabinet Sec. Karlo Alexi Nograles, patuloy ang pakikipag-ugnayan ng DOST at Department of Health (DOH) sa WHO upang mapabilis ang kanilang evaluation sa mga naturang test kits.

Sa ngayon kasi kasalukuyang ginagamit ng DOH ang mga test kits mula Japan upang ma-detect ang COVID-19 sa mga pasyente.