Awan iti panagkurang ti supply iti elekrisidad.
Daytoy ti impasingked ni Mr. Perry Martinez, acting General Manager ti Ilocos Norte Electric Cooperative kabayatan iti monthly press conference.
Segun kenkuana, awan ti problema ken awan iti panagkamtud ti supply gapu ta adda met iti Aboitiz group a power supplier ti INEC.
inlawlawagna a no adda man ti brown out wenno panagpukaw iti serbisio ti kuryente, daytoy ket gagangay laeng gapu iti panag overheat malaksid iti maintenance saan a gapu ti panagkurkurang ti supply.
Nupay kasta, kunana a kanayon met iti panangipakaammo da no adda ti mapasamak a brown out iti INEC.
Kunana nga uray ti National Grid Corporation of the Phil. ket ipakaammo da met no isuda ti makagapu iti panagpukaw ti serbisio ti kuryente tapno saan a mababalaw ti kooperatiba no kas bilang. (Rod Sadian)