Cebu: Abii sa kabilin sa dakbayan sa Sugbo, gibuksan kagabii

0
5
photo courtesy of Cebu City PIO

Gibuksan kagabii, Mayo 10, 2024 ang Gabii sa Kabilin (GSK), sa dakbayan sa Sugbo, diin giawhag ang mga Sugboanon nga hinumdumon ang kagahapon ug kabiling Bisaya ug himoon silang giya sa atong kaugmaon.

“As we immense ourselves in the symphony of the past let us be inspired to create a future worthy of remembrance. Let us cherish our cultural heritage, not as relics of a bygone era but as beacons guiding towards a brighter tomorrow,” segon ni Cebu City Councilor Dondon Hontiveros.

Si Konsehal Dondon Hontiveros maoy vice chairman sa Cultural and Historical Affairs Commission ,nag-awhag sa mga Sugboanon nga mang agni sa uban nga handumon ang kagahapon, labi na sa kulturang Bisaya.

Si Konsehal Jocelyn Pesquera usab na maoy chairperson sa Cebu City Tourism Commission, nag awhag sa mga kabatan-onan nga hinumduman ang kaanindot sa kulturang Bisaya.

“This is really good for our youth; this is good for our students, because sila ang dapat nga makakat-on og unsa ang atong shared heritage…. Dapat nga ma-imbibe nila og unsa kanindot ang atong pagka-Bisaya, unsa ka nindot ang atong kultura, unsa kanindot ang atong heritage. And they have that responsibility to continue what we have started,” pamahayag ni Konsehal Pesquera.

Nitambong usab sa kalihokan si Konsehal Francis Esparis; Amaya Cristina A. Fansler, president ug chief executive officer sa Ramon Aboitiz Foundation Inc. (RAFI); RAFI Board of Trustee Maria Cristina C. Aboitiz; ug Marie Sol D. Gonzalvo, executive director sa RAFI Social Wellbeing Cluster ug event director sa GSK.

Ang Gabii sa Kabilin (GSK) gibuksan sa publiko taman tungang gabii Mayo 11, 2024, sa mga dapit sa kabilin sa mga dakbayan sa Sugbo, Mandaue, ug Lapu-Lapu. (Renante Socia Lada)

(Source: Cebu City PIO)

Leave a Reply