Grabeng kaguol karun ang gibati sa magtiayon nga si Joker Barunia ug Bebe Agustino human nasunog ang ilang panimalay lakip na ilang mga gamit ug duha ka motorsiklo kaganihang hapon sa Sitio Paliay, Barangay Badiangon, Arakan, Cotabato, Mayo 9, 2024.
Sigon pa sa mga nakasaksi sa sunog, daling naugdaw ang maong panimalay sanglit ginama kini sa mga light materials.
Ang mga biktima giilang mga dayo ug tapers sa gumahan ug nasayrang orihinal kini nga nanimuyo sa Barangay Sundungan, President Roxas ug nanimpalad lamang sa lugar alang sa panginabuhian.
Ang usa sa grabeng gikagul-an sa magtiayon ang pagkasunog sa ilahang duha ka motorsiklo’ng hinaguan diin matag bulan pa kining ginahulugan sa kompanya nga ilang gi-utangan.
(Source: Daily News Pagadian)