Tuloy pa rin ang operasyon ng ABS-CBN hanggang sa 2022.
Ito ang kinumpirma ni House Speaker Alan Peter Cayetano kaugnay ng mga nakabinbing franchise renewal bill para sa ABS-CBN.
Sinabi ni Cayetano, hindi dapat madaliin ang Kamara sa pagtalakay sa mga naturang panukala dahil hindi naman magsasara ang ABS-CBN kahit na magpaso na ang kanilang prangkisa sa Marso.
Aniya, posibleng sa Mayo pa dinggin ng Kamara ang mga nakabinbing franchise bill para sa naturang network o kung kailan man humupa ang tensiyon sa naturang usapin.
Mag-hearing tayo, panay init ng ulo, ‘pag na-deny edi sarado diba? Kapag na-approve naman nandyan yung mga magpo-protesta diba? So, sometimes time is on our side, sometimes time is healing, if the committee has come out something official I think there is a consensus naman that while they’re discussing the issues, there’s no reason na isara,” ani Cayetano.
Sinabi ni Cayetano na walang dahilan para isara ang ABS-CBN dahil tuloy-tuloy lamang ang operasyon nito hangga’t may nakabinbing franchise renewal bill sa Kongreso.
Don’t get me wrong, napaka importante ng franchise ng ABS-CBN hindi lang sa 11,000 empleyado, importante ito sa buong bansa, sa demokrasya natin pero hindi ganun ka-urgent bakit? Kasi hanggang March 2022 pwedeng mag-operate,” ani Cayetano.