Tahong Delikadong Kakanon, Igua Nin Red Tide Sa Sorsogon Asin Masbate

Iriga City – Delikadong kakanon an tahong asin iba pang klase nin shell fish sa merkado ngunian matapos na kompirmahon kan BFAR Bicol an resulta kan saindang pagsisiyasat.

Sinabi ni Director Nelson Bien kan BFAR Bicol na nagpositibo sa red tide an kadagatan sa Sorsogon Bay asin an municipal waters sa Mandaon, Masbate.

Inot kaini, sarong persona an sinasabing binawian nin buhay matapos na mahilo an magkapirang residentes aa pagkakan nin shell fish hali sa Mandaon Bay.

Pinaglinaw pa kan BFAR na gabos na klase nin Shell Fish an delikado ngunian bako sana an tahong kundi magin an baduy (carpet shell), pen shell o baloko, blood cockle o piyong, oyster o talaba asin iba pang klase. (OIC Melvin Barayoga, RPN DZKI Iriga)

(Source: BFAR Bicol)