SURIGAO CITY- Nagmalampuson ang Simultaneous River Clean-up nga gipangunahan sa DENR-PENRO ug CENRO dubbed as RIVERs FOR LIFE sa duha (2) ka clean-up sites didto sa Kinabutan ug Sabang Rivers niadtong Byernes, Pebrero 7.
Sa nasayran, anaa sa 747 ka mga sinakong basura ang ilang nakolekta gikan sa 870 ka indibidwal nga mipartisipar sa maong pagpanglimpyo sama na sa PNP, BFP, BFAR, PCG, 30IB, Surigao Mountaineers, ug uban pa.
Prior sa maong aktibidad, ang gihimo usa ang Zumba ug ang opening program didto sa covered court sa Brgy. San Juan, ning dakbayan dayon ang Solidarity Walk paingon sa clean-up area.
Ang maong kalihukan, ang mandato ni DENR Secretary Roy Cimatu sa rehiyon sa Caraga alang sa “Limpyo nga tubig”, ug isip usab kabahin sa usa ka tuig nga anibersaryo sa River for Life Program. (Jun Prex Salubre, Ronda 6 RPN DXKS)
