Itinanghal na Best Supporting Actor sa Oscar si Brad Pitt para sa pelikulang “Once Upon a Time in Hollywood”.
Ito ang kauna-unahang Oscar award ni Pitt matapos ang tatlong dekada niya sa industriya.
Taong 2014, nakakuha si Pitt ng Oscar award subalit bilang producer sa “12 Years a Slave” movie na itinanghal na Best Picture.
Si Pitt ay gumanap na stunt double sa “One Upon a Time in Hollywood”.
Samantala, itinanghal namang Best Animated Film ng The Academy ang “Toy Story 4” na naglagay dito bilang kauna-unahang franchise na nakapag-uwi ng dalawang Best Animated Film award mula sa Oscars.
Taong 2011 nang maiuwi ng “Toy Story 3” ang parehong award.
Tinalo ng “Toy Story 4” ang mga pelikulang “Missing Link”, “Lost my Body”, “How to Train your Dragon: The Hidden World” at “Klaus”.