Zamboanga del Sur – Gisang at sa Level 2 ang calamity status sa probinsya sa Zamboanga del Sur atol sa pagpangatake ni tropical storm Odette diin una kining mi land fall sa Siargao island, Leyte, Bohol ug Cebu, Disyembre 16 2021 sa hapon.
Nakasinati ug makusog nga hangin ug ulan ang probinsya dala sa lihok sa bagyo hinungdan nga mibaha sa pipila ka karsada a dakbayan sa Pagadian ug kasikbit nga lugar niini.. Tungod sa kakusog sa hapak sa hangin, nawad-an ug signal sa Smart ug globe lakip na ang Pldt internet connection ang maong lugar. Offline usab ang tanang ATM machines ug banko.
Tumang kabalaka ang gihambin sa Zambosurian dihang walay pamaagi nga makuntak ang mga kapamilya nga naapektuhan sa bagyo didto sa kasikbit nga rehiyon. Tibuok adlaw ning Desyembre 17, sunod sunod usab ang power interruption sa probinsya., Mibalik lamang ang signal alas 7:00 sa gabie.
Unang mibalik ang signal sa Globe ug Naghatag kini ug free call/ free text apan ang data connection niini ang wala gihapon mapahimusli. Sa pikas nga bahin, miibalik ang serbisyo sa Smart alal 11:00 na sa tungang gabie.
Manggipasalamaton gihapon ang Zambosurian nga internet disruption lamang ang nasinati sa probinsya ug dili ang bagsik ni Odette kinsa nangguba gayud ug mga patigayon ug kabalayan sa ubang lugar.
Sa kasamtangan, hinay hinay ng mibalik ang serbisyo sa internet ug gipahigayon ang clearing operation sa ubang lugar nga apektado sa sakuna.
