Gipasiugdahan sa Mandaue City Government ang 2nd Mayor Jonkie Ouano Shooting Competition kagahapon Agosto 23 sa NS Shooting Range sa Consolacion, Cebu, isip kabahin sa selebrasyon sa 57th Charter Anniversary sa Mandaue City.
Mitambong sa kompetisyon ang mga representante gikan sa nagkalain-laing ahensya ug opisina, lakip ang BJMP, CIDMU, Regional Trial Court (RTC), Mandaue City Police Office (MCPO), ug Lapu-Lapu Police Office.
Tumong sa maong kalihokan nga mahatagan og higayon ang mga partisipante nga mapakita ang ilang kahibalo ug abilidad sa shooting sport, samtang mapalambo usab ang ilang mga kahanas.
Adunay pito ka kategorya sa kompetisyon nga mao ang Super Junior, Junior, Lady, Senior, Super Senior, Lawman ug Match Officer.
Gisuportahan sa Mandaue City Government, ubos sa pagpangulo ni Mayor Thadeo “Jonkie” Ouano, ang maong kalihokan isip kabahin sa ilang pagdasig sa mga partisipante nga ipadayon ang pagpalambo sa ilang abilidad ug disiplina sa shooting sport.
I via Renante Socia Lada