Bag-ong pagsugod ug paglaum ang gisaulog sa mga kliyente sa Cebu City Office for Substance Abuse Prevention (COSAP) atol sa ilang Moving-Up and Graduation Ceremony niadtong Agosto 20, 2026.
Ang mga benepisyaryo sa Outpatient ug Aftercare and Follow-Up Program nakakompleto sa ilang programa. Gisaulog usab ang ilang kaisog, determinasyon ug paningkamot sa pagbag-o ug pagpadayon sa recovery.
Mitambong si Cebu City Mayor Nestor D. Archival ug nangulo sa mga graduates sa Pledge of Commitment to Recovery. Matud niya, ang graduation dili katapusan sa ilang panaw, kondili sinugdanan sa bag-ong kapitulo sa ilang kinabuhi.
Gipasiugda usab ang dakong papel sa pamilya, komunidad ug lokal nga pangagamhanan sa pagtabang sa mga anaa sa recovery. Nagpadayag usab og padayon nga suporta si Social Service Committee Chairperson ug City Councilor Francis Esparis alang sa mga kliyente sa programa.
Gipasalamatan usab ang suporta ni Hon. Nice Archival sa COSAP ug sa mga programa niini. Matud sa COSAP, ang recovery usa ka padayon nga panaw ug pinaagi sa panaghiusa, adunay higayon ang matag usa nga mobangon ug magsugod pag-usab.
I via Renante Socia Lada