29.8 C
Manila
Friday, March 29, 2024

Pagadian: Pipila ka personahe sa ZamboSur PDRRMO gideploy alang sa post disaster assessment sa Caraga region

- Advertisement -

Zamboanga del Sur – Nahidangat na sa CARAGA Region ang 18 ka mga personahe gikan sa lain-laing ahensya sa Rehiyon 9 lakip ang duha ka personahe sa Zamboanga del Sur PDRRMO nga gideploy sa Regional Disaster Risk Reduction and Management Council IX alang sa ipahigayong Post Disaster Needs Assessment sa maong rehiyon human sa Bagyong Odette.

Visit RPN DXKP Pagadian

Lakip sa mga gipadala sa maong lugar ang Administrative Officer sa ZDS-PDRRMO nga si Geoffrey Denopol ug Joel Karl Malinao. Molungtad ang operasyon sa ilang team hangtod Enero 31 diin gipangunahan kini sa Office of the Civil Defense.

Si Denopol nagkanayon nga dako sila og ikatabang sa pagconduct ug damage assessment para makabuhat na ang Region 13 og rehabilitation plan para mahatagan sila ug budget gikan sa national government tungod kay ang resulta sa assessment maoy basehan sa pag-formulate ug paghatag og ensaktong budget para mabalik ang panginabuhian sa katawhan.

Ang Post Disaster Needs Assessment usa ka multi-sectoral ug multi-disciplinary structured approach nga gimugna aron pagsusi sa epekto sa kalamidad ug paghatag prayoridad sa mga panginahanglan alang sa pagbangon ug pagtukod pag-usab sa naapektuhang mga lugar. Ginalusad kini sa mga ahensya sa gobyerno sa pakig-abag sa mga international development partners ug sa pribadong sektor.

(Source:  ZDS Press Bureau, photos courtesy of Civil defense IX)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -