Zamboanga del Sur – Nagmalampuson ang gipahigayong OFW FAMILY DAY 2021 nga gisaulog sa mga kapunungan sa overseas workers sa may Tambulig Spring Resort, Tambulig Zamboanga del Sur, atong nakalabay nga adlaw. Matud sa Regional Director sa OWWA nga mukabat sa 13 ka mga kapunungan sa mga OFW ang nagtapok sa maong kalihukan, dugang niini nga gapahigayon usab sila og clean-up drive ingon man tree planting aron makatabang pa sa kinaiyahan. Gibutyag usab niini nga adunay klase klase nga programa nga gihimo ang OWWA aron makatabang usab sa mga OFW ilabi na sa mga dili na mubalik pa sa abroad aron makatabang sa ilang pang adlaw-adlaw nga galastuhon og pagkinahanglanon.
Atol sa maong kalihukan nakadawat ug cheke ang tagsa-tagsa ka mga OFW Associations pina-agi sa mga nagkalain-laing programa sa Overseas Workers Welfare Administration, ingun man nakadawat usab silag lain-lain nga papremyo sama sa duha ka smart tv nga gidonar pa ni Governor Victor Yu. gitino ni Director Gerald “Dindi” Tan sa OWWA-NRCO nga gamiton sa husto ang salapi nga gihatag sa gobyerno, tungod ila kini og gibalik lang ngadto kanila pina-agi sa mga programa sa Nasyonal og local nga pagamhanan aron nga mapahimuslan sa mga katawhan.
Dako ang pasalamat ni Director Dindi Tan kay Governor Victor Yu og kang Deputy Speaker Divina Grace Yu sa mga tabang og sa suporta nga gihatag tungod usa kini ka dakong kontribusyon sa paglambo sa nasud ilabina sa Probinsya. Gisaysay sa gobernador ang mga programa sa administrasyon niini nga pwedeng mapahimuslan sa tanang sector, sumala ni Governor Yu nga kalipay niya nga makita ang tanang sektor sa lalawigan nga moasenso ug mahimo lamang kini pinaagi sa kooperasyon sa matag-usa. Samtang dako usab ang pasalamat ni Governor Victor Yu ngadto kang Presidente Duterte tungod sa dakong suporta nga gihatag niini sa mga OFWs.
(Source: ZDS Press Bureau, photos courtesy of Victory Zamboanga del Sur)