Cebu City – Mokabat ug 1,686 ka kilo nga fossilized giant claims o takobo nga dunay balok nga estimated market value nga ₱ 25.29 million ang nasakmit sa mga otoridad sa Barangay Poblacion, Lungsod sa Oslob karong semanaha.
Ang maong mga takobo nakuha gikan sa possesion sa usa ka Jagger Vitorillo, 41, pinaagi sa mga agents sa Criminal Investigation and Detection Group (CIDG), Biyernes, Disyembre 10, 2021.
Gibutyat ni CIDG director Major General Albert Ignatius Ferro nga mi transact si Vitorillo sa pulis nga nagpaka aron ingnon nga buyer sa kantidad nga ₱ 201,000 nga threatened species.
Nakuha gikan ni Vitorillo ang 89 ka clams nga mitimbang ug 1,686 ka kilo nga gibaligya sa suspect sa tag ₱ 15,000 matag kilo.
Gipahibaw ni Ferro nga ang ilang collaboration tali sa ubang government agencies ug law enforcement nagtimaam sa ilang serious commitment sa paghunong, ug dili ma eradicate ang maong illegal activities.
Gipasakahan si Vitorillo ug kasong kalapasan sa Republic Act 8550 o ang Fisheries Code of the Philippines.
Kahinumduman nga nakasakmit sab ang mga otorodidad ug 735 ka book nga rare helmet shells o Budyong sa Bantayan, niadtong Oktubre sa miaging tuig.
Ang Maritime Law Enforcement Team, Bantay Dagat ug ang Municipal Agriculturist-Fisheries Office mipahigayon ug operation sa Sitio Tabunok, Barangay Lipayran, diin nasakmit ang mga helmet shells nga gi konsidera nga endangered species.
(News & photos courtesy of CIDG-7)
