Kumalarang, Zamboanga del Sur – Dako ang kasubo nga nabati sa mga katawhan sa Kumalarang sa dihang gihatod sa Sangguniang Panlalawigan ang Resolution aron suspensuhon si Mayor Ruel “Balong” Molina sa munisipyo sa Kumalarang karong adlawa.
Ang maong suspension resolution epektibo ug 6 ka bulan. Desisyon sa Sangguniang Panlalawigan sa Zamboanga del Sur nga i-convict si Mayor Molina sa iyang kaso tungod lamang sa iyang pag-designate ni Sir Ronnel Tahud isip Human Resource Management Officer nga kanhing Supervising Administrative Officer IV sa Legislative Office niadtong panahon sa iyang pagka-designate.
Dili madawat sa mga katawhan ang desisyon sa SP hinungdan nga nagpahigayon sila ug rally sa atubangan gayud sa munisipyo. Dako ang ilang pagpangga ni Mayor Molina tungod kay usa siya ka maayo nga lider sa ilang lungsod.
Ang singgit sa mga katawhan nga i-undang na ang Political Harassment ug pagdaog-daog kay Mayor Molina. “Husto na! Tama na!” Mao kini ilang ginabalik-balik ug singgit. Gikapoy na ang mga katawhan sa ingon-ani nga sistema. Ikaupat na kini nga higayon nga i-suspenso si Mayor Molina sukad pa niadtong tuig 2020.
Si Mayor Molina lamang ang naningkamot para maundang ang baha og pila palang niya katuig dako na ang kausaban og daghan nga mga proyekto nakita na sa Kumalarang.
(Source: Kumalarang People)