Nasikop sa kapulisan ang usa ka armado nga lalaki sa Barangay Ermita, Cebu City kagabii Agosto 14, 2026, human nakadawat og report gikan sa usa ka concerned citizen.
Gipangulohan sa Tracker Team sa Police Station 5 ang pagresponde ug nadakpan ang suspek. Nakuha gikan kaniya ang usa ka improvised shotgun o gitawag og “pogakhang” ug usa ka buhing bala nga 12-gauge shotgun.
Gipasakaan og kaso ang suspek tungod sa paglapas sa Republic Act No. 10591 o balaod nga nagkontrol sa pagpanag-iya ug paggamit sa armas ug bala.
Anaa na sa kustodiya sa Police Station 5 ang suspek samtang giandam ang mga dokumento alang sa pagsang-at sa tukmang kaso sa korte.
Gipakita sa kapulisan nga ilang paspasan ug tubagon ang mga report sa komunidad aron malikayan ang hulga sa kaluwasan sa publiko.
📸 CCPO
I via Renante Socia Lada