Agosto 15, 2026
Mikabat sa lima ka mga tawo ang nasikop sa kapulisan sa managlahing operasyon batok sa ilegal nga drogas sa Barangay Inayawan, Cebu City, gikan sa gabii sa Agosto 14 hangtod sayong buntag sa Agosto 15, 2026.
Tulo sa mga suspek ang nasikop human sa mga report gikan sa mga concerned citizen. Nasakmit sa ilang posesyon ang mga sachet nga gituohang adunay shabu.
Dugang pa, duha ka suspek ang nadakpan sa managlahing buy-bust operation nga gihimo sa Station Drug Enforcement Team sa Police Station 7, uban sa koordinasyon sa PDEA-7.
Sa kinatibuk-an, 30.36 gramos sa gituohang shabu ang nasakmit, nga gibanabanang mokantidad og ₱206,448.
Gikustodiya karon ang lima ka suspek sa Inayawan Police Station 7 samtang giandam ang mga dokumento alang sa pagpasaka og kaso tungod sa paglapas sa Republic Act 9165 o Comprehensive Dangerous Drugs Act of 2002.
📸 CCPO
I via Renante Socia Lada