Nasikop sa Police Intelligence Unit sa Cebu Police Provincial Office (CPPO) ang usa ka 27-anyos nga lalaki ug nakumpiskar ang 1,500 ka ream sa undocumented nga sigarilyo atol sa buy-bust operation sa Barangay Poblacion Oriental, Consolacion, Cebu kagahapon Agosto 14, 2026.
Matod sa kapulisan, ang mga sigarilyo walay nag-unang Graphic Health Warning, nga posibleng paglapas sa Republic Act 10643 o Graphic Health Warnings Law.
Gawas sa sigarilyo, narekober usab ang boodle money ug usa ka yellow nga mini delivery van nga giingong gigamit sa pagbiyahe sa mga produkto.
Ang suspek ug mga nakumpiskar nga ebidensya gidala sa Consolacion Municipal Police Station alang sa dokumentasyon ug imbestigasyon.
📸 CPPO
I via Renante Socia Lada