Iriga City — Masikad na ngunian na aldaw an pagkua nin magkakanigong data orog na sa mga head of the family sa 35ng banwaan sa probinsya nin Camsur, ini katakod kan pagsikad kan kamawotan kan gobierno na magkaigua nin saro na sanang ID sa paagui kan national ID system.
Ini an napag-araman kan radio ronda, kasunod kan paglibot ngunian na aldaw kan mga enumerators tanganing kuanon an pangaran, date and place of birth, present asin permanent address sagkod iba pa.
Kan nagtalikod na simana, nagkaigua nan in training an mga enumerators duman sa cuidad kan Naga na papanginutan mismo kan Phil Statistic Authority.
Masunod kaini, iyo na an biometrics kan mga individual arog kan finger print asin iba pa.. na gagamiton ini sa gabos na transaksyon asin habang buhay ng ID.
Inot kaini, ipinahayag ni DILG Regional Dir. Anthony Nuyda na katabang sana sinda kan PSA sa paglansar kan National ID, kasabay kan pagsabi na napili an camarines sur asin albay sa camarines sur sa 32 na mga probinsya bilang pilot areas kan implmentasyon.
Nangapudan pa man an DILG sa mga barangay na itao an magkakanigong tabang sa mga enumerators sa saindang barangay.
(Source: DILG Bicol)
