MMDA may pa-libreng sakay para sa mga MRT passengers na apektado ng aberya

Nagpakalat na ang Metropolitan Manila Development Authority (MMDA) ng mga sasakyan para sa mga stranded na pasahero matapos suspindihin ang operasyon ng Metro Rail Transport (MRT) pasado 6:00AM.

Ayon sa MMDA, ang mga military trucks na kanilang idineploy ay may biyaheng Guadalupe pa-Quezon Avenue (northbound) at mula Quezon Avenue patungong Ayala (southbound).

Magugunitang naputol ang kable ng kuryente ng MRT-3 sa Guadalupe Station (northbound), dahilan nang ikinasang provisional service mula North Avenue Station hanggang Shaw Boulevard Station.