Davao del Norte – Gitakda nga pagatukuron ang laing proyekto na usab, alang sa katawhan sa lungsod sa San Isidro. Kini ang Evacuation Center nga itukod sa Baranagay Igangon nga nag kantidad ug ₱ 4,318,000, gikan sa Department of Interior & Local Government ilalom sa Assistance to Municipalities Program.
Ang groundbreaking ceremony gipasi-ugdahan sa Municipal Engineering Office nga gipangulohan ni Engineer Ma. Cristina B. Ayucan, CE, MPA nga gitambongan sa mga opesyales sa lungsod, gipangulohan ni Mayor Arnel H. Sitoy uban sa mga SB Members, ABC President, SKMF Chairwoman, dungan sa presensya sa mga Department Heads, DILG-MLGOO Seigfred Butch Senoron, mga personahe sa PNP ug representante sa probinsyal nga panggamhanan sa Davao del Norte, mitambong usab ang mga mismong benipisyaryo sa maong proyekto uban sa mga opesyales sa barangay nga mirepresentar sa katawhan, pinangulohan ni barangay kapitan Jessie Alcomendras.
Kining maong pasilidad nga pagatukoron, kabahin sa pagpangandam sa lungsod ug barangay, aron masigurong adunay luwas nga temporaryong kapasilongan ug kabalhinan ang mga katawhan kon ugaling adunay hulga sa siguridad sa kinabuhi ug propridad.
Isip hugtanong lakang aron matubag ang bisan unsang matang sa hagit sa umaabot nga kalamidad ug emerhensiya.
Matud pa ni Mayor Arnel H. Sitoy, luyo sa nasinating krisis tungod sa Covid 19 pandemya, padayon gihapon ang pag-implementar sa mga proyekto nga dunay dakung kapuslanan alang sa katawhan sa lungsod ug kini nga proyekto hugtanong pagamonitoron sa DILG uban sa mga nagka lain-laing ahensya sa gobyerno, busa giawhag usab niya ang mga opesyales sa barangay nga makigtambayayong sa pagmonitor aron hingpit kining mapatuman.
Kabahin sa kausahan ug katumanan sa saad ug panlantaw sa lungsod sa San Isidro, ang barangay Igangon nga nahimong benipisyaryo sa maong proyekto, nga gipangulohan ni Kapitan Alcomendras mapasalamatong misaad ug mipasalig nga kini, atimanon ug palamboon aron makahatag ug dakong tabang para sa umaabot nga panahon.
(Municipal Information Office – San Isidro)
