Davao City – Mas gipalig on karon sa Kasundaluhan ilawom sa Eastern Mindanao Command ug Kapolisan sa Police Regional Office 11 ang kahapsay ug kalinaw sa ilang tagsa tagsa ka mga Area or Responsibility. Kini aron nga maangkon ang hingpit nga kalinaw sa Mindanao una pa man matapos ang termino ni Presidente Rodrigo Roa Duterte sa 2022.
Pinasubay sa talaan sa Eastern Mindanao Command gikan sa Enero ngadtu sa Setyembre ning tuiga mokabat na sa 968 ka mga Regular NPA ang misurrender samtang kapin sa Mel Kinyentos (1500) ka mga Mass Supporters ang mipadayag na ug pagsuporta sa mga programa sa Kagamhanan.
Sumala pa ni Lieutenant General Jose Faustino ang Commanding officer sa Eastern Mindanao Command nga gikan sa unom (6) ka Pulang Bagani Command nga giorganisa ni Leoncio Pitao alyas Kumander Paragu dihang buhi pa kini, Usa na lamang ang nagpabilin sanglit hingpit na nga nabungkag ang nahisgutang grupo.
“Nakita natin yung improvement ngayon dito sa region 11, nag nose dive yong strength ng kalaban dito, nag nose dive yung impudence nila sa mga barangay. And the enemy right now is concentrated more on the borders, borders for example Davao-Bukidnon, Border ng Davao del Norte-Agusan del Sur at Surigao del Sur”. Pahayag ni Lieutenant General Jose Faustino atol sa Press Conference.
Sa pikas bahin, nakatala usab ang Police Regional Office 11 ug mas ubos nga kremin nga may kalambigitan sa hinimuan sa rebeldeng New Peoples Army. Mas gipakusgan usab sa kapolisan ang pagbantay sa mga Conflict Affected Areas pinaagi sa Revitalized Police sa Barangay kun RPSB nga gipang deploy sa nagkadaiyang Barangay sa rehiyon.
“The more active implementation of Special Laws like anti-drugs abuse operation, Violation of Republic Act 4136 enforcing of Traffic Laws and itong Quarantine Violations. Have significantly contributed to the decrease of Index Crimes. So yun ang naging relationships nila. The more implemented the Special Laws, its a contributing the Index Crimes”, Sumala pa ni Police Brigadier General Filmore Escibal.
Dugang pa sa Kagamhanan, gitinguha karon nga makabenepisyo ang 150 ka mga Barangay sa rehiyon onse sa mas gipakusgan nga Community Support Program.
(OIC Michael Manguhig, RPN DXKT Davao)