Iriga City – Entero ngunian na higot an pagkontra kan Management kan Camarines Sur III Electric Coop., Inc. (Casureco III) an pinaghahagad na congressional franchise kan Bicol Light and Power tanganing maging service provider nin koryente sa enterong ika-limang distrito kan Camarines Sur.
Ini matapos na magpa-apod nin meeting sa local na media an manijamento asin hagadon an suporta nganing maulang an kahagadan n aini duman sa senado sa Comm. On Energy na pinamamayuhan ni Sen. Grace Poe.
Kun magigirumduman, nagkaigua na nin bill duman sa kamara baja asin hinahalat na sana counter part duman sa senado tanganing dagos ng magkaigua nin duwang frankisa sa pagpabakal nin koryente sa anom na banwaan asin sarong cuidad.
Nagpatanid an manijamento na kun ini mangyari posibling maglangkaw an taripa nin koryente, asin mas eksido sa disconnection duman sa mga dai nakakabayad.
Sinabi kan casureco III na bako sindang business oriented imbes service oriented sinda sa lindong kan tunay na kooperatiba na boot sabihon parte kan maysadiri iyo an mga miembros konsumidor nin koryente.
