Es parte na celebracion de Mes del Nutricion (Nutrition Month) 2026, el Oficina del Agricultor del ciudad (OCA), por medio del Agricultural Field Office-V (Curuan District), exitoso ya conduci actividad de alimentacion (feeding activity) en socio con el 4-H Club y Rural Improvement Club (RIC) del Cansilayan, que ya conduci na Sibutad Elementary School.
Enfatizando, el evento na importancia de balance dieta (diet), sobre el propio engrandada del maga bata, buen salud, y el mejorao rendimiento na academico.
El actividad de alimentacion, ya queda posible por medio na suporta ya dale el Sibutad Elementary School, bajo na guia del encargao profesor Renieboy Rebollos, junto con el maga maestro y maestra y personajes del mentionao escuela.
Mientras, activo tambien ya participa el Agricultural Field Office-V (Curuan District ), bajo na liderato di Richard E. Manlincon, junto con canda Beejay Bernadas desde Institutional Development and Building Division y Roderick Casimiro, que generosidad ya dona fresco verduras (vegetables), que amo ya usa para prepara comida con el maga estudiantes.
Asegun el buen andansa del actividad, ta destaca este el mafuerza colaboracion ambos el Oficina del Agricultor del ciudad, organizacion del comunidad, y el institucion educacional na promocion de propio nutricion, seguridad de comida, y el en general bienestar del comunidad.
Ademas, ta esta pa siempre comprometido el Oficina del Agricultor del ciudad para implementa programa que mejora el salud y busca lavida del maga habitantes, especialmente el maga juventud (youth), na persecucion de un saludable (healthier) y mas resiliente comunidad.(Keith Luna)