Malampusong napahigayon sa mga personahe sa MDRRMO Gutalac ang Tree Growing Activity isip pagtimaan sa National Disaster Resilience Month (NDRM) 2026, Hulyo 27,2026.
Ang maong kalihokan gipangulohan sa dedikadong Mayor sa Munisipalidad sa Gutalac nga si Hon. Eddie Justin T. Quimbo, ug sa LDRRMO Engineer nga si Engr.Rolando B. Ortiz kinsa mapasigarbuhon nga nakigtambayayong sa Gutalac Nutrition Office ug sa Department of Education (DepEd) Gutalac District 1 ug District 2,nga gisalmotan usab sa Public School District Supervisor (PSDS), mga magtutudlo, mga kawani, ug sa mga madasigon nga mga estudyante.
Ang aktibidad usa ka paagi sa pagpalig-on sa depensa sa kinaiyahan ug pagpalambo sa kultura nga magpadayon ang mas ug mas lig-on nga kaugmaon alang sa sunod nga henerasyon sa mga Gutalacnon.(MEDALYN U. BORJA)
Source: MDRRMO Gutalac