Iriga City – Arog kan pinaglalaoman dagos ng nag-salida sa kandidatura ni dating vocal Russel Banez si dating Cong. Rolando Andaya Jr. sa kargong Gobernador sa 2022 National asin Local Elections.
An sinambit ng pangyayari inot naman na ipinbahayag kan mga alcalde na kaalyado ni Andaya na inaapod “Anduyog” na kinababalihan kan 19 mga alcalde hali sa 35ng banwaan asin sarong cuidad kan Iriga.
Katakod kaini, magiging three (3) cornered fight na an magyayari sa Camarines Sur matapos na magsalida nin kandidadutra si Vice Gov. Imelda Papin pasiring sa Gobernador mientras na inot naman na nagsunad nin kandidatura si Luigi Villafuerte juven na tugang ni Gov. Migz Villafuerte asin mga aki ni Cong. Lray Villafuerte kan segundo distrito.
Si Andaya na inot na ng-file nin kandidatura sa kargong kongresista, ini pinagsalidahan man kan saiyang tugang na si Maribel Andaya-Eusebio duamn sa first district.
Katakod kaini, dai lamang nagpahayag nin kahandalan an “team one camsur” kan mga Villafuerte kasabay kan pagsabi na haloy ng andam an saindang kampo asin aram ninda na gagamiton kan mga kalaban an substitution asin rigodon kan mga kandidato sa nagraraning pirilian.