Nakaawat iti pinansial a tulong dagiti Micro, Small and Medium Enterprises (MSMEs) ken trabahador a naapektaran iti uram idiay Batac City Public Market, babaen iti Caduam A Mangpadur-as: Emergency Relief Response Program babaen ti Mataginayon a Progreso Assistance to MSME Project. Tapno ad-adda a mapapigsa ti panagsagana iti uram, naited met ti 50 a fire extinguishers a maipasdek kadagiti strategic ken makita a lugar iti Batac City Public Market, a mangipasigurado iti dagus a pannakagun-od bayat dagiti emerhensia. Babaen kadagitoy nga inisyatiba, impakita ti Gobierno ti Siyudad ti Batac ti agtultuloy a panangsuporta kadagiti naapektaran, a mangited saan laeng iti agar-aramat a tulong no di ket namnama, kinatured, ken panagkaykaysa iti panagbangon ti negosyo da By: Niña Tabilos