General Santos City – Walay na-monitor nga presensya sa rebelde o teroristang grupo ang Task Force GenSan sa dakbayan. Kini ang gibutyag ni Col. Galileo Goyena, Commander sa Task Force GenSan.
Sumala niya nga alayon sa nagsingabot nga eleksyon, sila sa militar ang committed sa pagbantay sa siguridad aron nga masigurong luwas ug hapsay ang piniliay.
Pamahayag niya nga wala silay nakit-ang rason alang sa mga rebelde ug teroristang grupo aron sa pagsulod sa dakbayan hilabina nga hugot ang pagbantay nga ilahang ginahimo sa mga border sa gensan.
Dugang pamahayagt ni Col. Goyena nga sa karon walay sigtings sa bisan unsang rebelde ug teroristang grupo sa GenSan nga posibleng makonsiderang bahad sa umaabot nga piniliay.
Samtang gibutyag ni Col Goyena nga wala silay nadawat nga unsa mang report nga adunay mga kandidato nga nakadawat ug mga extortion letter gikan sa unsa mang grupo.
Apan panawagan niini ngadto sa mga kandidato o mga negosyante nga nakadawat ug extortion o mga demand letter nga kini ireport sa awtoridad ug baliwalaon nalang.