Mibisita ang mga opisyales sa Civil Aviation Authority of the Philippines (CAAP) Area Center IX kang City Mayor Roberto Y. Uy aron hisgutan ang mga plano ug oportunidad alang sa padayon nga pagpalambo sa Dipolog Airport.
Gipangulohan ni Airport Manager II Allan A. Meode ang delegasyon sa CAAP atol sa ilang courtesy visit kang Mayor Uy. Kauban niya sila Safety Officer Aldrin D. Castañares ug Security Manager Junry A. Amiler.
Lakip sa ilang gihisgutan ang mga posibleng lugar alang sa kooperasyon ug umaabot nga partnership tali sa CAAP ug City Government of Dipolog aron masuportahan ang mga inisyatiba alang sa pagpauswag sa airport.
Gilauman nga ang maong panagtambayayong makatampo sa padayon nga pagpalambo sa Dipolog Airport ug sa pagpalig-on sa serbisyo sa air transportation sa siyudad.(IKEN B. GULLEM)
Source: Dipolog City Government