Cebu City – Gipasakahan ug kasong graft and corruption sa pito ka mga incumbent Barangay Kapitan uban na sa Association of Barangay Captain (ABC) President sa Syudad sa Lapu-Lapu si Mayor Junard “Ahong” Chan.
Pinitsahan ang maong complaint ug Pebrero 8, 2022.
Matod ni ABC President ug Bankal Barangay Captain Eduardo Cuizon ang complaint kalabot kini sa kwestyonable nga COVID-19 related expenses nga miabot ug P47,225,550.
Gisang-at ang kaso ngadto sa buhatan sa Ombudsman Visayas.
Sa complaint-affidavit, ang mga mi kiha batok ni Chan mao sila si ABC Pres Eduardo Cuizon sa Bankal, Lapu-Lapu City’; Eleonor Fontanoza, Gun-ob, Lapu-Lapu City; Regina Ybanez, Looc, Lapu-Lapu City; Triponia Abayan, Tungasan, Lapu-lapu City; Joselito Tibon, Subabasbas; Reynaldo Tampus, Canjulao, Lapu-Lapu City; ug Rosalino Abing, Maribago, Lapu-Lapu City.
Uban ni Chan, nga gipasakahan ug kaso sila si Atty. Allan James C. Sayson, Mr. Ronaldo D. Malacora, Mr Nagiel B. Banacia, Mrs Claire V. Cabalda, Mr. Romeo T. Berame ug si Annabeth D. Cuizon.
Gilakip sab reklamo ang lima ka private individuals nga nag representa sa kompaniya o entity nga gika transact sa syudad labot sa Covid-19 related supplies.
Pinasikad ang kaso sa Article 217 sa Revised Penal Code o ang Malversation of Public Funds ug sa Sec. 3(e), Sec. 3(j) ug Sec. 4 sa RA 3019 o ang Anti Graft and Corrupt Practices Ac t.
Gipaabot pa ang tubag ni Chan labot sa maong alegasyon.
(News & photo courtesy of Dungog Tan & Associates)