Nakig-uban ang Philippine Statistics Authority (PSA) – Zamboanga del Norte sa tibuok nasod sa pagsaulog sa ika-86 nga anibersaryo sa Commonwealth Act No. 591, nga gipirmahan niadtong Agosto 19, 1940 ug nagtukod sa Bureau of the Census and Statistics (BCS).
Pagasaulogon ang maong anibersaryo gikan Agosto 17 hangtod 20, 2026, aron ilhon ang taas nga kasaysayan, mga kalampusan, ug dakong kontribusyon sa opisyal nga estadistika sa Pilipinas.
Sulod sa 86 ka tuig, ang opisyal nga estadistika nahimong importante nga basihan sa pagsabot sa kahimtang sa ekonomiya ug katilingban sa nasod. Gigamit kini sa paghimo og mga polisiya, pagplano sa mga programa ug proyekto, ug pagdesisyon nga nakabase sa tukmang datos.
Dili lamang kini bahin sa mga numero. Kini usab usa ka pagpasidungog sa mga estadistiko, statistical workers, ug nagkalain-laing institusyon nga sa daghang katuigan mitampo sa pagpalig-on sa Philippine Statistical System.
Samtang, gitan-aw niini ang pagbalik sa mga importanteng panghitabo nga nakaporma sa opisyal nga estadistika sa Pilipinas.(IKEN B. GULLEM)
Source: PSA Zamboanga del Norte