General Santos City – Wala pay natala ang Police Regional Office 12 nga mga election related incident alang sa nagsingabot nga 2022 national and local election.
Sumala kang Police Lt. Col. Joice Birrey, tigpamaba sa Police Regional Office 12 nga kung basihan ang 2019 election, adunay upat ka kategorya ang gibantayan sa kapulisa kung asa kini naka-color coding sa green, yellow, orange ug red.
Ang green mao ang mga lugar nga walay issue sa security, hapsay ug malinawon, ang yellow mao ang mga lugar nga adunay election related violence o dili ba kaha adunay history sa mga away pulitika. Ang orange mao ang mga lugar nga adunay init nga away sa pulitika ug adunay bahad sa mga local threat group samtang ang pula mao ang mga lugar nga may init nga away sa pulitka ug adunay presensya sa local threat group ug adunay posibilidad nga ipa-ilaom sa kontrol sa Comelec.
Dugang pamahayag ni lt. Col birrey nga base sa 2019 election adunay 13 ka mga lugar sa nasud ang anaa sa kategorya sa green, tulo sa yellow, 28 ka mga lugar sa rehiyon ang anaa sa kategorya sa orange ug upat sa kategorya nga pula.
Sa karon, nagdumili una kini sa pagbutyag sa kung unsa nga mga lugar ang anaa sa maong mga kategroya ug padayong ginasuta kung samang mga lugar ang i-monitor para sa 2022 election.
Saysay niini nga sa karon, nagpabiling malinawon ang rehiyon ug walay unsa mang natala nga election related violence gikan sa milabay’ng tuig.