Patay ang usa ka motorista human maigo sa usa ka SUV sa Cebu South Coastal Road, Barangay Tangke, Talisay City, alas 8:30 kagabii Agosto 17, 2026.
Base sa unang impormasyon sa City of Talisay Traffic Operations and Development Authority (CT-TODA), ang motorsiklo nagdagan sa middle lane samtang ang SUV naa sa inner lane ug pareho silang paingon sa northbound. Tungod sa pagbangga, nalabay og pipila ka metros ang motorista ug mitugpa sa center island.
Gidala ang biktima sa St. Francis Funeral Homes, samtang padayon pang gihimo sa Traffic Office ang imbestigasyon aron matino ang eksaktong hinungdan sa aksidente.
Matod sa CT-TODA, kini na ang ika-17 nga namatay sa vehicular accidents sa Talisay City sukad Enero hangtod Agosto 17, 2026.
I via Renante Socia Lada