Pagadian City – Sikop og wala na makapalag pa ang usa ka mag-uuma homan kini masikop sa gikasa nga Drug Buy Bust Operation sa hiniusang pwersa sa Regional Drug Enforcement Unit sa pagpangulo ni Police Lieutenant Dominic Dalena kauban ang PDEA, RID-9 nga gipamunoan usab ni Police Lieutenant Dexter Dalena, PIU og ang Pagadian City Police Station sa may Gaisano Parking Area, San Pedro Pagadian City alas 4 kapin kon kulang sa hapon ning adlaw nga Sabado.
Ang dinakpan naila nga si Aspiah Tawakal Guinal, 44 anyos, minyo ug residente sa Purok 3, Barangay Mindalano Salvador, Lanao Del Norte og nailang usa ka High Value Individual.
Atol sa operasyon nakumpiska sa kapulisan gikan sa suspect ang 2 ka dagko nga pakete sa shabu nga mukabat sa 50 gramos og mubalor sa 340 mil ka pesos ang market value niini, nakuha sa suspect ang usa ka keypad phone og 135 mil nga kantidad sa boodle money.
Sa pakighinabi ngadto sa suspect gibutyag niini nga igo ra syang gisugo sa usa ka ginganlan og Ali nga parehong taga Lanao, apan kabalo kini nga shabu ang iyang i-deliver diri sa Pagadian, gihimakak usab sa suspect nga wala kini gagamit sa droga.
Samtang ang dinakpan ang temporaryo nga naka detina sa PDEA lock up cell alang sa tukmang desposasyon, diin ang ang nakumpiska nga shabu ang ihatud sa ZSPPO crime laboratory alang sa examinasyon.
(Photo courtesy of PDEA-ZDS)
