Human sa pagpinermahay sa Usufruct sa Memorandum of Agreement (MOA) for the Usufruct of the Tissue Culture Laboratory (TCL) tali sa Philippine Fiber Industry Development Authority (PhilFIDA) Region X ug Provincial Government of Misamis Oriental giplanohan ni MisOr Governor Juliette Uy ug Sugbongcogon Mayor Chiz Lagbas nga muhimo planta sa Abaca Plywood sa Misamis Oriental.
Matud ni Governor Uy nga andam kini nga mu-utang sa bangko kung kaya sa probinsya nga mutukod niini nga planta. Kini nga plano nigawas aron nga makamigna og daghang trabaho ug daghang mupalit aron usab madugangan ang produkto sa Abaca ug dili lang mga bag.
Una nang gibutyag ni PhilFIDA Usec Arnold “Ali” Atienza nga ang Pilipinas ang usa sa mga nag-unang exporter sa Abaca busa dili malayo nga maka-produce og plywood ang lalawigan.
Ang maong plano gitumong aron mapataas ang income sa mga abaca farmers ug mapalambo ang lokal nga industriya pinaagi sa pagproseso sa abaca sulod mismo sa probinsya.
Gipasalamatan usab ni Governor Uy si 2nd District Representative Cong. Bambi Emano kinsa maoy mitukod sa Tissue Culture Laboratory sa dihang Gobernador pa kini sa lalawigan | Cheleste Simene – Jomaya