General Santos City – Andam na ang City Economic Management Cooperative And Development Office kon CEMCDO alang sa nagsingabot nga selebrasyon sa Kalilangan.
Sumala kang Jose Kevin Sienes, assistant department head sa CEMDCO nga anaa sa 15 ka mga aktibidad ang gi-andam alang sa KALILANGAN 2022, unom niini ang face to face, pito ang virtual ug adunay tulo nga gitawag nga limited o restricted face to face.
Pagpaklaro niya nga bisan pa man ug aduany mga face to face nga aktibidad, kinahanglan gihapon nga mag-oobserba sa minimum health protocol gumikan nagpabilin pa ang bahad sa COVID 19.
Samtang gibutyag ni Gemma Babreros, Executive Assistant for tourism nga adunay kalahian ang selebrasyon sa KALILANGAN karon nga tuig sa milabay’ng mga tuig hilabina gumikan sa pandemic.
Sayay niya nga sa milabay’ng tuig, restricted gyud ang face to face nga aktibidad sa KALILANGAN apan karon gumikan medyo nagluag na ang mga restriction gitutugan na ang limited face to face nga mga aktibidad.
Pagpaklaro niya nga nangayo na sila ug clearance gikan sa LOCAL IATF alang sa mga aktibidad gani ang implementasyon sa social distancing sa umabot nga opening sa Pebrero 22 ang ilaha na usab ginatun-an.
